JAPAN

ဂျပန်နိုင်ငံသို့ဝင်ရောက်လာသော နိုင်ငံခြားသားများအတွက်～ဂျပန်နိုင်ငံသို့ ပြောင်းရွေ့ဝင်ရောက်လာသူအသစ်များအတွက် လမ်းညွှန်စာမျက်နှာ～

အောက်ဖော်ပြပါ အကြောင်းအရာများသည် Homepage ကို မကြည့်ခင် မြင်သာစေရန် အရင်ဆုံး သိသင့်သည်များကို ကူးယူဖော်ပြခြင်းဖြစ်ပါသည်။အသေးစိတ်လေ့လာလိုပါက ( Immigration Service Agency of Japan ) ၏ homepage တွင် ဝင်ရောက်လေ့လာနိုင်ပါသည်။

ဤစာမျက်နှာတွင် လူဝင်မှုကြီးကြပ်ရေးနှင့် နေထိုင်မှုစီမံခန့်ခွဲရေးဌာနမှ ဂျပန်နိုင်ငံသို့ အသစ်ဝင်ရောက်လာသောနိုင်ငံခြားသားများအား သိထားစေလိုသောအရာများကို လမ်းညွှန်ထားပါသည်။

ဂျပန်နိုင်ငံသို့ဝင်ရောက်ချိန်၌ ဖြန့်ဝေပေးသည့် စာရွက်စာတမ်းများကို ဤနေရာတွင် (PDF) ရယူနိုင်ပါသည်။

Covid-19 ကူးစက်ရောဂါသက်ရောက်မှုကို ခံထားရသည့် နိုင်ငံခြားသားများ၏ ပြည်ဝင်ပြည်ထွက်ခြင်း၊ နေထိုင်မှုစသည့်အစီအမံနှင့်ပတ်သက်၍ Covid-19 ကူးစက်မှုဆိုင်ရာသတင်းအချက်အလက်များတွင် ကြည့်ရှုပါ။

လူဝင်မှုကြီးကြပ်ရေးဌာနမှ အီးမေးလ်ဖြင့် အသုံးဝင်သောအချက်အလက်များကို ပေးပို့လျက်ရှိသည်!

လူဝင်မှုကြီးကြပ်ရေးနှင့် နေထိုင်မှုစီမံခန့်ခွဲရေးဌာန အီးမေးလ်ပေးပို့ခြင်းဝန်ဆောင်မှုကို ဤနေရာမှ စာရင်းသွင်းပါ။ [EN]

နေထိုင်ခွင့်သက်တမ်းကုန်ဆုံးသည့်ရက်ကို စစ်ဆေးပါ။

ဆိုက်ရောက်ချိန်တွင် ခွင့်ပြုထားသောနေထိုင်ခွင့်ဗီဇာအလိုက် နေထိုင်ခွင့်ကာလကိုလည်း သတ်မှတ်ထားသည်။ အဆိုပါနေထိုင်ခွင့်ကာလကုန်ဆုံးသည့်ရက်မှာ နေထိုင်ခွင့်သက်တမ်းကုန်ဆုံးသည့်ရက်ဖြစ်သည်။
နေထိုင်ခွင့်ကာလနှင့် နေထိုင်ခွင့်သက်တမ်းကုန်ဆုံးသည့်ရက် (နေထိုင်ခွင့်ကာလကုန်ဆုံးရက်) ကိုနိုင်ငံကူးလက်မှတ်တွင်ကပ်ထားသောတံဆိပ်တုံးစီးလ် သို့မဟုတ် နေထိုင်ခွင့်ကတ်တွင် စစ်ဆေးနိုင်သည်။

မူလနေထိုင်ခွင့်သက်တမ်းကုန်ဆုံးသည့်ရက်ကို ကျော်လွန်ပြီး ဂျပန်နိုင်ငံတွင် နေထိုင်လိုသည့်အခါ သက်တမ်းကုန်ဆုံးသည့်ရက် မတိုင်မီ လုပ်ထုံးလုပ်နည်းကို သေချာစွာလုပ်ဆောင်ပါ။

ဂျပန်နိုင်ငံတွင် လုပ်ဆောင်မည့်အကြောင်းအရာမပြောင်းလဲဘဲ နေထိုင်ခွင့်ကာလကို ကျော်လွန်ပြီး ဂျပန်နိုင်ငံတွင် နေထိုင်လိုသည့်အခါ နေထိုင်ခွင့်ကာလသက်တမ်းတိုးခွင့် ရရှိရန် လိုအပ်သည်။
ဂျပန်နိုင်ငံတွင် လုပ်ဆောင်မည့်အကြောင်းအရာ ပြောင်းလဲ၍ ဂျပန်နိုင်ငံတွင် နေထိုင်လိုသည့်အခါ နေထိုင်ခွင့်ဗီဇာပြောင်းလဲခွင့် ရရှိရန် လိုအပ်သည်။

နေထိုင်ခွင့်ကာလသက်တမ်းတိုးခွင့်လျှောက်လွှာနှင့် နေထိုင်ခွင့်ဗီဇာပြောင်းလဲခွင့်လျှောက်လွှာသည် လိုအပ်ချက်များနှင့်ပြည့်စုံပါက အွန်လိုင်းမှတစ်ဆင့် လျှောက်ထားနိုင်သည်။
အသေးစိတ်ကို နေထိုင်ခွင့်လျှောက်လွှာ အွန်လိုင်းလုပ်ထုံးလုပ်နည်းစာမျက်နှာတွင် ကြည့်ရှုပါ။
[EN]

နေထိုင်ခွင့်လျှောက်လွှာကို အွန်လိုင်းမှတစ်ဆင့် လျှောက်ထားနိုင်ပါပြီ!

ဂျပန်နိုင်ငံ၏ဥပဒေကို လိုက်နာပါ။

ပြစ်မှုဆိုင်ရာလှုပ်ရှားမှု (ခိုးယူခြင်း၊ အနာတရဖြစ်စေမှု၊ မူးယစ်ဆေးဝါးနှင့်ဆက်စပ်သောအရာများ) ကြောင့် ပြစ်ဒဏ်ချမှတ်ခံရပါက ပြည်နှင်ဒဏ်ပေးခြင်း (နေရပ်ပြန်ပို့ခြင်း) ခံရနိုင်ပါသည်။

“အသေးစိတ်ကို ဤနေရာတွင် ကြည့်ရှုပါ” ပြည်နှင်ဒဏ်ပေးခြင်းလုပ်ထုံးလုပ်နည်းနှင့် ပြည်ပသို့ထွက်ခွာရန်အမိန့်စနစ်

အလုပ်အကိုင်အခြေအနေကို စစ်ဆေးပါ။

နေထိုင်ခွင့်ကတ်ရှိခြင်းသည် အလုပ်လုပ်နိုင်သည်ဟု မဆိုလိုပါ။
ဂျပန်နိုင်ငံတွင် အလုပ်လုပ်ကိုင်ရန်အတွက် အလုပ်လုပ်ခွင့်ရှိသည့်နေထိုင်ခွင့်ဗီဇာကို ရယူထားရန် သို့မဟုတ် အလုပ်လုပ်ကိုင်ခွင့်ဗီဇာ ခွင့်ပြုချက် [EN]ကို ရယူထားရန် လိုအပ်သည်။
အသေးစိတ်ကို အနီးဆုံး ဒေသဆိုင်ရာ လူဝင်မှုကြီးကြပ်ရေးနှင့် နေထိုင်မှုစီမံခန့်ခွဲရေးဌာန သို့မဟုတ် နိုင်ငံခြားသားနေထိုင်မှုအထွေထွေ သတင်းအချက်အလက်စင်တာသို့ ဆက်သွယ်စုံစမ်းမေးမြန်းပါ။

နေထိုင်ခွင့်ကတ်အရှေ့ဘက်ရှိ အလုပ်ကန့်သတ်ချက်ရှိ၊ မရှိတွင်

အချိန်ပိုင်းအလုပ်နှင့်ပတ်သက်၍ (ပညာတော်သင်ကျောင်းသား၊ မိသားစုဗီဇာဖြင့်နေထိုင်သောပုဂ္ဂိုလ်)

ပညာတော်သင်ကျောင်းသားနှင့် မိသားစုဗီဇာဖြင့်နေထိုင်သောပုဂ္ဂိုလ်သည် အချိန်ပိုင်းအလုပ်လုပ်မည့်အခါ အလုပ်လုပ်ကိုင်ခွင့်ဗီဇာ ခွင့်ပြုချက် [EN] ရယူရန် လိုအပ်သည်။
ပုံမှန်အားဖြင့် အလုပ်လုပ်ကိုင်ခွင့်ဗီဇာ ခွင့်ပြုချက် အထွေထွေခွင့်ပြုချက်ကို ရယူရမည်ဖြစ်သော်လည်း အဆိုပါခွင့်ပြုချက်ဖြင့် တစ်ပတ်လျှင် 28 နာရီအတွင်းသာ အလုပ်လုပ်နိုင်သည်။
※ ပညာတော်သင်ကျောင်းသားများသည် ကျောင်းစည်းမျဉ်းအရ သတ်မှတ်ထားသော အားလပ်ရက်ကာလ (နွေရာသီအားလပ်ရက်စသည်) တွင် တစ်ရက်လျှင် 8 နာရီအထိ အလုပ်လုပ်နိုင်သည်။

ခွင့်ပြုချက်အတိုင်းအတာကို ကျော်လွန်၍ အလုပ်လုပ်ကိုင်ပါက နေထိုင်ခွင့်ကာလသက်တမ်း မတိုးနိုင်သည့်အခါမျိုး ရှိပါသည်။ သတိပြုပါ။

“လျှောက်လွှာ၊ လိုအပ်သောစာရွက်စာတမ်းများကို ဤနေရာတွင် ရယူပါ” အလုပ်လုပ်ကိုင်ခွင့်ဗီဇာ ခွင့်ပြုချက်လျှောက်လွှာ [EN]

အလယ်အလတ်ကာလနှင့် ကာလရှည်နေထိုင်သူများ အကြောင်းကြားရန် မမေ့လျော့ပါနှင့်။
နေထိုင်ရာဒေသကို အကြောင်းကြားခြင်း

ဂျပန်နိုင်ငံသို့ဝင်ရောက်ပြီး အလယ်အလတ်ကာလနှင့် ကာလရှည်နေထိုင်သူအသစ်ဖြစ်လာသောပုဂ္ဂိုလ်များသည် နေထိုင်ရာဒေသကိုသတ်မှတ်ပြီးသည့်နေ့မှ 14 ရက်အတွင်း နေထိုင်ခွင့်ကတ် (မှတ်ချက်) ကို ယူဆောင်လာ၍ နေထိုင်ရာဒေသ၏ မြို့၊ ရပ်ကွက်၊ မြို့နယ်၊ ကျေးရွာရှိ ကောင်တာတွင် နေထိုင်ရာဒေသအကြောင်းကြားခြင်းကို လုပ်ဆောင်ပါ။
(မှတ်ချက်) နိုင်ငံကူးလက်မှတ်တွင် “နေထိုင်ခွင့်ကတ်ကို နောက်ရက်တွင် ထုတ်ပေးမည်” ဟု ဖော်ပြခံရသောပုဂ္ဂိုလ်သည် အဆိုပါနိုင်ငံကူးလက်မှတ်ကို ယူဆောင်လာပြီး လုပ်ထုံးလုပ်နည်းများကို လုပ်ဆောင်ပါ။

ဤအကြောင်းကြားခြင်းကို အခြေခံအားဖြင့် ကာယကံရှင်မှ လုပ်ဆောင်ရမည်ဖြစ်သော်လည်း အတူနေမိသားစုနှင့် ကာယကံရှင်ထံမှ တောင်းဆိုမှုကို လက်ခံရရှိသည့်ပုဂ္ဂိုလ်သည် ကိုယ်စားလုပ်ဆောင်ပေးနိုင်သည်။
အသေးစိတ်ကို အနီးဆုံး မြို့၊ ရပ်ကွက်၊ မြို့နယ်၊ ကျေးရွာရှိ ကောင်တာသို့ ဆက်သွယ်စုံစမ်းမေးမြန်းပါ။

ကိုယ်ပိုင်နံပါတ်ကတ်နှင့်ပတ်သက်၍

မြို့၊ ရပ်ကွက်၊ မြို့နယ်၊ ကျေးရွာ၏ ကောင်တာသို့ အကြောင်းကြားပြီးနောက် ကိုယ်ပိုင်နံပါတ်ကတ်ထုတ်ပေးရန် လျှောက်ထားနိုင်ပါသည်။ လက်ပ်တော့၊ စမတ်ဖုန်း၊ စာတိုက်မှတစ်ဆင့်လည်း လျှောက်ထားနိုင်သည်။ ကိုယ်ပိုင်နံပါတ်ကတ်ကို မိမိမှာ မြို့၊ ရပ်ကွက်၊ မြို့နယ်၊ ကျေးရွာတွင် နေထိုင်သူဖြစ်ကြောင်းကို သက်သေခံသည့် သက်သေခံကတ်အနေဖြင့် လူမှုဖူလုံရေး၊ အခွန်လုပ်ထုံးလုပ်နည်း၊ ကလေးပြုစုစောင့်ရှောက်ခြင်းမှ အစပြု၍ အမျိုးမျိုးသောအုပ်ချုပ်ရေးဆိုင်ရာလုပ်ထုံးလုပ်နည်းများကို အွန်လိုင်းမှလျှောက်ထားချိန်တို့တွင် အသုံးပြုနိုင်သည်။
အသေးစိတ်ကို Call center (0120-0178-27) သို့ ဆက်သွယ်စုံစမ်းမေးမြန်းပါ။ (အင်္ဂလိပ်ဘာသာစကား၊ တရုတ်ဘာသာစကား၊ ကိုရီးယားဘာသာစကား၊ စပိန်ဘာသာစကား၊ ပေါ်တူဂီဘာသာစကားဖြင့် ဝန်ဆောင်မှုရရှိနိုင်သည်)

ကိုယ်ပိုင်နံပါတ်ကတ် အထွေထွေဝက်ဘ်ဆိုက် (ဂျပန်ဘာသာစကား)

တွဲဖက်အဖွဲ့အစည်းများနှင့်ပတ်သက်သောအကြောင်းကြားချက်

အလုပ်လုပ်ကိုင်ခြင်း သို့မဟုတ် ပညာတော်သင်ခြင်း နေထိုင်ခွင့်ဗီဇာဖြင့် နေထိုင်နေသောပုဂ္ဂိုလ်သည် တွဲဖက်အဖွဲ့အစည်း (အလုပ်နေရာ၊ ပညာတော်သင်ကျောင်းစသည်) ၏ အမည်ပြောင်းလဲခြင်း၊ နေရပ်လိပ်စာပြောင်းလဲခြင်း၊ ပျောက်ကွယ်ခြင်း (ဒေဝါလီခံခြင်းစသည်) တို့ဖြစ်ပွားသောအခါနှင့် တွဲဖက်အဖွဲ့အစည်းမှ နှုတ်ထွက်ခြင်း၊ စာချုပ်ကုန်ဆုံးခြင်း (အလုပ်ထွက်ခြင်း၊ ကျောင်းပြီးခြင်း၊ ကျောင်းနားခြင်းစသည်) တို့ကြောင့် အခြားတွဲဖက်အဖွဲ့အစည်းသို့ ရွေ့ပြောင်းခြင်း၊ စာချုပ်အသစ်ချုပ်ဆိုခြင်း (ကုမ္ပဏီသို့အလုပ်ဝင်ရောက်ခြင်း၊ ကျောင်းတက်ရောက်ခြင်းစသည်) ကို ပြုလုပ်ပါက တွဲဖက်အဖွဲ့အစည်းများနှင့်ပတ်သက်သောအကြောင်းကြားချက် ကို လုပ်ဆောင်ရန် လိုအပ်သည်။

မိသားစုဗီဇာနှင့် ဂျပန်လူမျိုး၏ အိမ်ထောင်ဖက်၊ အမြဲတမ်းနေထိုင်သူ၏ အိမ်ထောင်ဖက်အနေဖြင့် ဂျပန်နိုင်ငံတွင် နေထိုင်နေသောပုဂ္ဂိုလ်သည် အိမ်ထောင်ဖက်နှင့် ကွာရှင်းခြင်း သို့မဟုတ် သေဆုံးခြင်းရှိခဲ့ပါက အိမ်ထောင်ဖက်နှင့်ပတ်သက်၍ အကြောင်းကြားခြင်းကို လုပ်ဆောင်ရန် လိုအပ်သည်။

ထို့အပြင် ဤအကြောင်းကြားခြင်းလုပ်ထုံးလုပ်နည်းများကို အွန်လိုင်းမှတစ်ဆင့် လုပ်ဆောင်နိုင်သည်။
အသေးစိတ်ကို အီလက်ထရောနစ်စနစ်ဖြင့် အသိပေးခြင်းစနစ်ပေါ်တယ်ဆိုဒ်တွင် စစ်ဆေးအတည်ပြုပါ။

အခက်အခဲဖြစ်ချိန်တွင် ဆက်သွယ်ရန်

ဂျပန်နိုင်ငံတွင် နေထိုင်စဥ် မတရားသဖြင့် အလုပ်ထုတ်ခံရခြင်းစသည့် အခက်အခဲများရှိပါက တစ်ဦးတည်း စိတ်ညစ်မနေဘဲ အောက်ပါတိုင်ပင်မေးမြန်းနိုင်သည့်ကောင်တာတွင် ဆွေးနွေးတိုင်ပင်ပါ။

ကိုးကားလင့်များ

နိုင်ငံခြားသားများအတွက် နေထိုင်မှုထောက်ပံ့ရေးပေါ်တယ်ဆိုဒ်
[JP]

နိုင်ငံခြားသားများအတွက် နေထိုင်မှုထောက်ပံ့ရေးပေါ်တယ်ဆိုဒ်တွင် နေထိုင်မှုနှင့် အလုပ်အကိုင်လမ်းညွှန်မှစ၍
နိုင်ငံခြားသားများ ဂျပန်နိုင်ငံတွင် နေထိုင်ရန် လိုအပ်သောအချက်အလက်များကို ဘာသာစကား 14 မျိုးဖြင့် ရရှိနိုင်သည်။

လူဝင်မှုကြီးကြပ်ရေးနှင့် နေထိုင်မှုစီမံခန့်ခွဲရေးဌာန အီးမေးလ်ပေးပို့ခြင်းဝန်ဆောင်မှု
[EN]

လူဝင်မှုကြီးကြပ်ရေးနှင့် နေထိုင်မှုစီမံခန့်ခွဲရေးဌာနမှ နိုင်ငံခြားသားများအတွက် အသုံးဝင်သောအချက်အလက်များကို အီးမေးလ်ဖြင့် ပေးပို့လျက်ရှိသည်။
အီးမေးလ်လိပ်စာသာ ပေးရန် လိုအပ်သည်။ သေချာပေါက် စာရင်းသွင်းပါ။

Covid-19 ကူးစက်ရောဂါနှင့်ပတ်သက်၍

ဂျပန်နိုင်ငံတွင် ဘေးကင်းစွာ နေထိုင်နိုင်ရန်အတွက် Covid-19 ကူးစက်မှုစီမံချက်လမ်းညွှန်ဝက်ဘ်ဆိုက်များစွာကို မိတ်ဆက်ပေးမည်ဖြစ်သောကြောင့် ကိုးကားကြည့်ရှုပါ။